期待歸家

仲有唔夠一個月就番香港, 心裡一路都好期待. 距離我上一次見親戚朋友都有差不多一年了, 雖然唔算好長, 但係夾埋前一年我都只係有兩個星期係香港, 即係兩年裏我只有兩個星期係見到屋企人, 真係太少. 唔覺唔覺離開左屋企都有四年幾, 呢幾年我既生活比以前改變左好多, 簡單左好多. 而家日日都係番工, 放工, 買餸, 煮飯, 收拾, 睇電視, 訓覺. 星期一至五都係咁既routine. 而星期六同星期日都係有時行下街, 有時行下公園, 有時街都唔出, 係屋企打下機, 煮下甜品算, 呢種生活從前真係諗都無諗過. 好多時都覺得呢種生活好悶, 好想返番以前忙過不停既日子, 好想過番一打個電話就可以約晒啲朋友出黎食飯吹水既生活, 不過我都知有得必有失, 而家咁平淡既生活係香港又會好想有, 而且我而家係工作上既經驗係香港未必會搵到, 希望儲埋呢啲保貴既經驗第日可以搵份好啲既工啦~ 但係真係好掛住香港既人, 係呢度無咩朋友, 就算有, 都係及不上陪著我成長既一群, 可以由天談到地, 無所不談, 雖然買左個skype既dial in 號碼, 不過唔知點解都無朋友打比我, 可能我已經離開得太耐, 己經漸漸被人遺忘了...